ⵜⵓⵜⵍⴰⵢⵜ ⵜⴰⵎⵣⵡⴰⵔⵓⵜ ⵏ ⵓⵙⵉⵀⵍ ⵙ ⵜⴰⵎⴰⵣⵉⵖⵜ "ⵜⴰⴼⴰⵜ"
First Amazigh Programming Language "Tafat"

ⵜⴰⴼⴰⵜ ⵜⴳⴰ ⵜⵓⵜⵍⴰⵢⵜ ⵏ ⵓⵙⵉⵀⵍ ⵉⵜⵜⵢⴰⵔⴰⵏ ⵙ ⵜⵎⴰⵣⵉⵖⵜ, ⵜⴳⴰ ⵜⵓⵜⵍⴰⵢⵜ ⵉⵜⵜⵓⵥⴽⴰⵏ ⵖⴼ ⵜⵓⵜⵍⴰⵢⵜ ⵏ ⵓⵙⵉⵀⵍ ⵉⵜⵜⵓⵙⵙⴰⵏⵏ ⵙ ⵢⵉⵙⵎ ⴷⴰⵔⵜ (Dart), ⵜⴰⴼⴰⵜ ⵜⵍⵍⴰ ⵙⵓⵍ ⴳ ⵜⵣⵡⵉⵔⵉ ⵏⵏⵙ ⴷ ⵎⵇⵇⴰⵔ ⴷⴰ ⵜⴻⵜⵜⵢⴰⵔⴰ ⵙ ⵜⵎⴰⵣⵉⵖⵜ ⵙ ⵓⵙⵙⵎⵔⵙ ⵏ ⵜⴳⵓⵔⵉⵡⵉⵏ ⵜⵉⵎⴰⵣⵉⵖⵉⵏ ⵎⴰⵛⵛ ⴷⴰ ⵏⵜⵜⴰⴼⴰ ⵉⵎⵓⴽⵔⵉⵙⵏ ⴽⵓⴷⵏⵏⴰ ⵏⵜⵜⴰⵔⴰ ⵙ ⵜⴼⵉⵏⴰⵖ ⵏⵖ ⴰⵙⴽⴽⵉⵍ ⴰⵍⴰⵜⵉⵏ ⵉⵥⵍⵉⵏ ⵙ ⵜⵎⴰⵣⵉⵖⵜ, ⵏⵖⵉⵢ ⴰⴷ ⵏⴼⵙⵉ ⴰⵎⵓⴽⵔⵉⵙ ⴰⴷ ⴳ ⵢⵉⵎⴰⵍ, ⴰⵔ ⵖⵉⵍⴰ ⵏⵥⴹⴰⵕ ⴰⴷ ⵏⵜⵜⴰⵔⴰ ⵙ ⵓⵙⴽⴽⵉⵍ ⴰⵍⴰⵜⵉⵏ ⵍⵍⵉ ⵙ ⴷⴰ ⵜⴻⵜⵜⵢⴰⵔⴰ ⵜⵏⴳⵍⵉⵣⵜ.

ⴰⵎⵣⵔⵓⵢ ⵏ ⵜⴰⴼⴰⵜ

ⵜⴰⵍⴰⵍⵉⵜ ⵏ ⵜⵓⵜⵍⴰⵢⵜ ⵜⴰⴼⴰⵜ ⵜⵏⵜⵉ ⴳ ⵜⴳⵉⵔⴰ ⵏ ⵓⵙⴳⴳⵯⴰⵙ ⵏ 2022 ⵍⵍⵉⴳ ⵉⵙⵡⵉⵏⴳⵎ ⵓⵏⵍⵎⴰⴷ ⵎⵓⵃⵎⵎⴰⴷ ⵍⵛⴳⵔ ⴳ ⵉⵙ ⵢⴰⵍⵍⴼⵓⵙ ⴰⴷ ⵖⵓⵔⵏⵖ ⵜⵉⵍⵉ ⵢⴰⵜ ⵜⵓⵜⵍⴰⵢⵜ ⵏ ⵓⵙⵉⵀⵍ ⵙ ⵜⵎⴰⵣⵉⵖⵜ, ⴰⵙⵇⵙⵉ ⴰⴷ ⵢⵓⵛⴽⴰ ⴰⵙ ⴷ ⵍⵍⵉⴳ ⵉⵖⵔⴰ ⵢⴰⵏ ⵓⴷⵍⵉⵙ ⵉⵙⴰⵡⴰⵍⵏ ⵖⴼ ⵢⴰⵜ ⵜⵓⵜⵍⴰⵢⵜ ⵏ ⵓⵙⵉⵀⵍ ⵙ ⵜⵄⵕⴰⴱⵜ, ⵖⵉⴷ ⵉⵏⵏⴰ ⴷ ⵢⵉⵖⴼ ⵏⵏⵙ ⴰⴷ ⵢⴰⵔⵎ ⴰⴷ ⵉⵙⵏⵓⵍⴼⵓ ⴽⵔⴰ ⵏ ⵜⵓⵜⵍⴰⵢⵜ ⵏ ⵓⵙⵉⵀⵍ ⴰⴷ ⵜⴻⵜⵜⵢⴰⵔⴰ ⵙ ⵜⴳⵓⵔⵉⵡⵉⵏ ⵜⵉⵎⴰⵣⵉⵖⵉⵏ, ⵉⵙⵙⵏⵜⵉ ⴰⵔⵣⵣⵓ ⴳ ⵓⵏⵜⵉⵔⵏⵉⵜ ⴰⵍⵍⵉⴳ ⵢⵓⴼⴰ ⵢⴰⵏ ⵓⴷⵍⵉⵙ ⵉⵙⴰⵡⴰⵍⵏ ⵖⴼ ⵜⵥⵕⵉ ⵍⵍⵉ ⵖⴼ ⵉⵜⵜⵓⵥⴽⴰ ⵓⵎⵙⵙⵓⵖⵍ ⵏ ⵜⵓⵜⵍⴰⵢⵜ ⵏ ⵓⵙⵉⵀⵍ (ⵙ ⵜⵏⴳⵍⵉⵣⵜ "Compiler"), ⴳ ⵓⴷⵍⵉⵙ ⴰⴷ ⵢⵓⴼⴰ ⴳⵉⵙ ⵎⴰⵙⵙ ⵎⵓⵃⵎⵎⴰⴷ ⵜⵉⵙⵓⵔⵉⴼⵉⵏ ⵏ ⵓⵙⵏⵓⵍⴼⵓ ⵏ ⵜⵓⵜⵍⴰⵢⵜ ⵏ ⵓⵙⵉⵀⵍ, ⵉⵜⵜⵉⵣⵡⵉⵔⵏ ⵙ ⵓⵙⵍⴰⴹ ⵏ ⵓⵎⴰⵡⴰⵍ ⵏ ⵜⵓⵜⵍⴰⵢⵜ ⴰⴼⴰⴷ ⴰⵙⵍⴰⴹ ⵏ ⵜⵙⴷⴷⴰⵙⵜ ⴷ ⵜⵙⵏⴰⵎⴽⴰ ⵏⵏⵙ ⴳⴳⵔⵓⵏⵜ ⵜⵙⵓⵔⵉⴼⵉⵏ ⴰⵏⵏ ⵙ ⵓⵙⵉⵔⵡ ⵏ ⵜⵏⴳⴰⵍⵜ, ⵉⴽⵛⵎ ⵉⵍⵎⵎⴰ ⴳ ⵜⵓⵔⵎⵉⵜ ⴰⴷ ⴰⵔ ⵉⵙⵡⵓⵔⵉⵢ ⵖⴼ ⵜⵡⴰⵔⴳⵉⵜ ⵏⵏⵙ, ⵉⵎⵎⴰⵇⵇⴰⵔ ⴷ ⴽⵉⴳⴰⵏ ⵏ ⵉⵏⴰⵥⴰⵕⵏ ⵙⴳⵉⵙⵏ ⵉⵣⴳⴰⵍⵏ ⵉⵍⵍⴰⵏ ⴳ ⵉⵎⴷⵢⴰⵜⵏ, ⴷ ⵜⵏⴳⴰⵍⵉⵏ ⵜⵜⵢⴰⵔⴰⵏⵜ ⵙ ⵜⵓⵜⵍⴰⵢⵜ ⵏ ⵢⴰⵙ "C" ⴷ ⵏⵜⵜⴰ ⵓⵔ ⴰⵙ ⵉⵙⵙⵉⵏ ⵉⵍⵎⵎⴰ ⴷⴰ ⵉⵜⵜⴰⴼⴰ ⵉⵎⵓⴽⵔⵉⵙⵏ ⴳ ⵓⵔⵎⴰⵙ ⵏ ⵜⵏⴳⴰⵍⵜ, ⴰⵎⵓⴽⵔⵉⵙ ⵢⴰⴹⵏ ⵉⴳⴰ ⵜ ⵎⴰⵙ ⴷ ⵜⵓⵜⵍⴰⵢⵜ ⵍⵍⵉ ⵔⴰⴷ ⵉⵙⵏⵓⵍⴼⵓ ⵔⴰⴷ ⵜⴻⵜⵜⵓⵙⵓⵖⵍ ⵖⵔ ⵜⵓⵜⵍⴰⵢⵜ ⵏ ⵓⵙⴳⵔⵓ "Assembly" ⵏⵏⴰ ⵉⴳⴰⵏ ⵢⴰⵜ ⵜⵓⵜⵍⴰⵢⵜ ⴱⴰⵀⵔⴰ ⵉⵎⵔⴰⵏ ⴷ ⵉⵎⵔⴰ ⴰⵡⴷ ⴰⴷ ⵜⴰⴼⴷ ⴰⵎⵙⵙⵓⵖⵍ ⵏⵏⵙ, ⵉⵎⵎⴰⵖ ⵎⵏⵏⴰⵡ ⵉⴷ ⵉⵎⴰⵍⴰⵙⵙ ⴰⵢⵍⵍⵉⴳ ⵉⵍⴽⵎ ⵢⴰⵏ ⵓⵙⵡⵉⵔ ⴳ ⵢⵓⴼⴰ ⴰⴷ ⵢⴰⵔⴰ ⵜⴰⵏⴳⴰⵍⵜ ⵙ ⵜⴰⴼⴰⵜ ⵜⴼⴼⵖ ⴷ ⵜⵢⴰⴼⵓⵜ ⴳ ⵜⵙⵕⵥⵎⵜ ⵏ ⵡⴰⵏⴰⴹⵏ ⵏⵖ "cmd" (ⴰⵢⵢⵓⵔ ⵎⴰⵕⵚ 2023), ⵎⴰⵛⵛ ⵜⵓⵜⵍⴰⵢⵜ ⴳ ⵜⵉⵣⵉ ⴰⵏⵏ ⵃⵔⴰ ⴳⵉⵙ : ⴰⵙⴽⵛⵎ ⴷ ⵓⵙⵉⴳⴳⵣ ⵏ ⴽⵕⴰⴹ ⵡⴰⵏⴰⵡⵏ ⵏ ⵉⵙⴼⴽⴰ ⵉⴳⴰⵏ 'ⴰⵙⴽⴽⵉⵍ' (character) ⴷ 'ⴰⵣⵔⴰⵔ' (string) ⴷ ⵓⵎⴹⴰⵏ 'ⵓⵎⵎⵉⴷ' (integer) ⴷ ⵓⵔ ⴳⵉⵙ ⴰⵏⴰⵡⵏ ⵢⴰⴹⵏ ⵣⵓⵏ ⴷ ⴰⴱⵓⵍⵢⴰⵏ (Boolean) ⴷ ⵓⵎⴹⴰⵏ ⵉⵍⴰⵡ (float/double), ⴷ ⴳⵉⵙ ⴰⵙⴽⴽⵉⵔ ⵏ ⵜⵎⵀⵍⵉⵏ, ⵎⴰⵛⴰ ⵜⵉⵖⴰⵡⵙⵉⵡⵉⵏ ⵢⴰⴹⵏ ⵏⵏⴰ ⵉⵀⵎⵎⴰⵏ ⴳ ⴽⵓ ⵜⵓⵜⵍⴰⵢⵜ ⵏ ⵓⵙⵉⵀⵍ ⵣⵓⵏ ⴷ ⵜⵉⴼⴰⴷⵉⵡⵉⵏ ⴷ ⵜⴰⵍⵍⵓⵙⵉⵏ ⴷ ⵜⵙⵖⵏⵉⵏ ⵓⵔ ⵜⴰ ⴳⵉⵙ ⵍⵍⵉⵏⵜ, ⴰⵎⵏⵜⵉⵍ ⵏ ⵓⵢⴰⵏⵏ ⵜⴳⴰ ⵜ ⵜⵓⵜⵍⴰⵢⵜ ⵏ ⵓⵙⴳⵔⵓ, ⵉⵎⵎⴰⵖ ⴰⵢⵍⵍⵉⴳ ⵉⵕⵎⵉ ⴰⴷ ⴰⵙ ⵉⵔⵏⵓ ⴰⵏⴰⵡ ⵢⴰⴹⵏ ⵏ ⵉⵙⴼⴽⴰ ⴰⵎⵎ ⵓⵎⴹⴰⵏ ⵉⵍⴰⵡ ⵎⴰⵛⴰ ⵉⴳⵓⴼ, ⴷⵉⵏⵏ ⵉⵙⴱⴷⴷ ⵜⴰⵡⵓⵔⵉ ⵖⵉⴼⵙ. ⵣⵔⵉⵏ ⴽⵉⴳⴰⵏ ⵏ ⵡⵓⵙⵙⴰⵏ ⵉⴽⵯⵜⵉ ⴷ ⴷⴰⵖ ⵎⵓⵃⵎⵎⴰⴷ ⵜⵓⵜⵍⴰⵢⵜ ⵏ ⵓⵙⵉⵀⵍ ⵙ ⵜⵎⴰⵣⵉⵖⵜ, ⵎⴰⵛⵛ ⵜⴰⴽⴽⵍⵉⵜ ⴰⴷ ⵜⴹⵕ ⴰⵙ ⴷ ⵢⴰⵜ ⵜⵡⵏⴳⵉⵎⵜ ⵉⵀⵢⵢⴰⵏ ⴷ ⵜⵏⵀⵍ ⴳ ⵓⵙⵏⴰⵙ, ⴳ ⵓⴷⵖⴰⵔ ⴰⴷ ⵉⵙⵏⵓⵍⴼⵓ ⵜⵓⵜⵍⴰⵢⵜ ⵏ ⵓⵙⵉⵀⵍ ⵢⴰⴹⵏ ⵉⵥⵍⵉⵏ ⴳ ⵜⵙⴷⴷⴰⵙⵜ ⵏⵏⵙ ⵖⴼ ⵜⵉⵢⵢⴰⴹ ⴰⵢⵍⵍⵉ ⵔⴰⴷ ⵜⵜ ⵉⵙⵙⴰⴳⴳⵓⴳ ⵙⴳ ⵜⵓⵜⵍⴰⵢⵉⵏ ⵜⵉⵎⴰⴹⵍⴰⵏⵉⵏ ⵉⵙⵙⵎⵔⵓ ⴰⵍⵎⵎⵓⴷ ⵏⵏⵙ, ⵉⵖⵜⵙ ⴰⴷ ⵜⵜ ⵉⵥⴽⵓ ⵖⴼ ⴽⵔⴰ ⵏ ⵜⵓⵜⵍⴰⵢⵜ ⵏⵏⴰ ⵢⴰⴷ ⵉⵍⵍⴰⵏ ⵉⵍⵎⵎⴰ ⵔⴰⴷ ⴽⴰ ⵉⵙⵙⵓⵖⵓⵍ ⴰⵎⴰⵡⴰⵍ ⵜⵇⵇⵉⵎ ⵜⵙⴷⴷⴰⵙⵜ ⵉⵎⴽⵍⵍⵉ ⵏⵉⵜ ⵜⴳⴰ ⴳ ⵜⵓⵜⵍⴰⵢⵜ ⵜⴰⵖⴱⴰⵍⵓⵜ (source language), ⵉⵙⵙⵏⵜⵉ ⴷⴰⵖ ⵜⴰⵡⵓⵔⵉ ⵙ ⵜⵡⵉⵙⵉ ⵏ ⵜⵛⴰⵜ ⵊⵉ ⴱⵉ ⵜⵉ (Chatgpt), ⵉⵍⵍⴰ ⵢⴰⴷ ⴷⴰⵔ ⵎⵓⵃⵎⵎⴰⴷ ⵢⴰⵏ ⵓⵙⴽⵙⵉⵡ ⴰⵎⴰⵜⴰⵢ ⵖⴼ ⵢⴰⵜ ⵜⵓⵜⵍⴰⵢⵜ ⵉⵙⵎ ⵏⵏⵙ ⴷⴰⵔⵜ (Dart) ⵜⴳ ⵜⵓⵜⵍⴰⵢⵜ ⵉⵜⵜⵓⵙⵎⵔⴰⵙⵏ ⴳ ⵓⵙⴰⵜⵉⵎⴰⵀⵉⵍ ⴼⵍⴰⵜⵔ (Flutter), ⵡⴰⴷ ⵍⵍⵉ ⵉⴳⴰⵏ ⵢⴰⵏ ⵓⵙⴰⵜⵉ ⵉⵜⵜⵓⵙⵎⵔⴰⵙⵏ ⴳ ⵓⵙⵉⵀⵍ ⵏ ⵜⵙⵏⵙⵉⵡⵉⵏ ⵏ ⴰⵏⴷⵔⵡⵉⴷ ⴷ ⵡⵉⵏⴷⴰⵡⵣ ⴷ ⴰⵡⴷ ⵡⵉⵏ ⵎⴰⴽ, ⵓⴽⴰⵏ ⵉⵏⵏⴰ ⴰⴷ ⴼⵍⵍⴰⵙ ⵉⵥⴽⵓ ⵍⵍⵉⴳ ⵜⴳⴰ ⵢⴰⵜ ⵜⵓⵜⵍⴰⵢⵜ ⵉⴷⵓⵙⵏ, ⵎⴰⵛⵛ ⵓⵔ ⴰⵙ ⴱⴰⵀⵔⴰ ⵉⵙⵙⵉⵏ ⴷ ⵏⵜⵜⴰ ⴰⵔ ⵉⵜⵜⵖⴰⵡⴰⵍ ⵢⵉⵔⵉ ⴰⴷ ⵉⵎⵓⵔⵙ ⴷⵖⵢⴰ, ⵍⵍⵉⴳ ⴷⴰⵖ ⵉⵙⵡⵉⵏⴳⵎ ⵢⴰⴼ ⵏⵏ ⵎⴰⵙ ⴷ ⵜⵓⵜⵍⴰⵢⵜ ⵏ ⴱⴰⵢⵜⵓⵏ (Python) ⵜⵏⵀⵍ ⴼⵍⵍⴰⵙ ⴷ ⵔⴰⴷ ⵜ ⵜⵙⵙⵍⴽⵎ ⴳ ⵜⵉⵣⵉ ⵉⴷⵔⵓⵙⵏ, ⵉⵖⵜⵙ ⵙⵓⵍ ⴰⴷ ⵢⴰⵊⵊ ⵜⵓⵜⵍⴰⵢⵜ ⵜⴰⴼⴰⵜ ⵜⴻⵜⵜⵓⵥⴽⴰ ⵖⴼ ⴷⴰⵔⵜ ⵉⵙⵙⵏⵜⵉ ⴷⴰⵖ ⵜⵓⵜⵍⴰⵢⵜ ⵏ ⵓⵙⵉⵀⵍ ⵢⴰⴹⵏ ⵉⵜⵜⵓⵥⴽⴰⵏ ⵖⴼ ⴱⴰⵢⵜⵓⵏ ⵉⵙⵎ ⵏⵏⵙ ⵣⵓⵏⴱⴰⵢ (Zunpy) ⴰⵛⴽⵓ ⵜⴳⴰ ⴰⵙⵓⵖⵍ ⵏ ⴱⴰⵢⵜⵓⵏ ⵙ ⵜⵎⴰⵣⵉⵖⵜ, ⵉⴽⵛⵎ ⵏⵉⵜ ⴳ ⵜⵎⴳⴳⴰⵔⵓⵜ ⴰⴷ ⵉⵍⴽⵎ ⴳⵉⵙ ⴰⵙⵡⵉⵔ ⵉⴼⵓⵍⴽⵉⵏ ⴰⵍⵍⵉⴳ ⵉⵜⵜⵓ ⵜⴰⴼⴰⵜ, ⵣⵓⵏⴱⴰⵢ ⵏⵥⴹⴰⵕ ⴰⴷ ⴰⵙ ⵏⵥⵍⵉ ⵜⵓⴼⵙⵉⵜ ⵏⵏⵙ, ⵜⴳⴰ ⵜⵓⵜⵍⴰⵢⵜ ⵏⵏⴰ ⵉⵥⴹⴰⵕⵏ ⵉ ⵓⵢⵍⵍⵉ ⵎⵉ ⵜⵥⴹⴰⵕ ⴱⴰⵢⵜⵓⵏ, ⴰⵢⵍⵍⵉ ⵜⵜ ⵉⵜⵜⴰⵊⵊⵏ ⴰⴷ ⵜⵣⵔⵉ ⵜⴰⴼⴰⵜ ⵙ ⵜⵙⴽⵯⴼⴰⵍ ⵢⴰⵜⵜⵓⵢⵏ ⴱⴰⵀⵔⴰ, ⴰⵔ ⵜⵉⵣⵉ ⴰⴷ ⵜⴰⴼⴰⵜ ⴷⴰⵔⵙ ⵜⴰⵡⵏⵏⴰⴹⵜ ⵏ ⵓⵙⵏⴼⵍⵉ ⵏⵏⵙ (IDE) ⴷ ⵓⵍⴰ ⵣⵓⵏⴱⴰⵢ ⵖⵓⵔⵙ ⵜⵉⵏⵏⵙ, ⴰⵎⵓⴽⵔⵉⵙ ⵏ ⵓⵙⴽⴽⵉⵍ ⴳ ⵜⴰⴼⴰⵜ ⵙ ⵓⵖⵉⵍⵓⴼ ⵓⵔ ⵜⴰ ⵉⵜⵜⵓⴼⵙⴰⵢ ⵎⴰⵛⵛ ⵢⴰⵍⵍⴼⵓⵙ ⴳ ⵢⵉⵎⴰⵍ, ⴳ ⵜⴳⵉⵔⴰ ⵜⵉⵡⵓⵔⵉⵡⵉⵏ ⴰⴷ ⴰⴽⴽⵯ ⵏⵡⴰⴷⵙ ⴳⵉⵙⵏⵜ ⴰⵙⵙⵉⵎⵖⵓⵔ ⵙ ⵓⵙⵡⵉⵔ ⵏ ⵜⵓⵜⵍⴰⵢⵜ ⵏⵏⵖ ⵜⴰⵎⴰⵣⵉⵖⵜ ⴷ ⵏⵔⴰ ⴳ ⵜⴰⵔⵡⴰ ⵏ ⵉⵎⴰⵣⵉⵖⵏ ⴳ ⵢⵉⵎⴰⵍ ⴰⴷ ⵍⵎⴷⵏ ⵜⵉⵔⵙⴰⵍ ⵏ ⵓⵙⵉⵀⵍ ⵙ ⵢⵉⵍⵙ ⵏⵏⵙⵏ, ⴷ ⵜⵡⵓⵔⵉ ⴰⴷ ⵓⵔ ⵔⴰⴷ ⴰⵖ ⵜⴽⴽⵙ ⴰⴷ ⵏⵍⵎⴷ ⵜⵓⵜⵍⴰⵢⵉⵏ ⵜⵉⵎⴰⴹⵍⴰⵏⵉⵏ ⵎⴰⵛⴰ ⵔⴰⴷ ⴰⵖ ⴽⴰ ⵜⵕⵥⵎ ⵜⴰⵡⵡⵓⵔⵜ ⵏ ⵜⵏⵢⵓⴷⴷⵓⵜ.

ⵜⴰⴷ ⴰⵢⴷ ⵉⴳⴰⵏ ⵜⵓⵍⵍⵉⵙⵜ ⵏ ⵜⵓⵜⵍⴰⵢⵜ ⵏ ⵓⵙⵉⵀⵍ ⵜⴰⴼⴰⵜ.

ⵜⵓⴼⵙⵉⵔⵜ ⴰⴷ ⵓⵔ ⵜⴰ ⵜⵎⴷ ⴰⵛⴽⵓ ⵔⴰⴷ ⵙⵓⵍ ⴳⵉⵙ ⵏⵙⴰⵡⵍ ⵓⴳⴳⴰⵔ ⵖⴼ ⵜⵓⵜⵍⴰⵢⵜ ⵜⴰⴼⴰⵜ ⴷ ⵎⴰⵏⵉ ⵜⵉⵡⴹ ⴷ ⴰⵡⴷ ⵎⴰⵏⵉⵎⴽ ⵙ ⵜⵓⴼⴰⵎ ⴰⴷ ⵜⵜ ⵜⵣⵣⵓⴳⵣⵎ ⴳ ⵓⵎⵙⵙⵓⴷⵙ ⵏⵏⵓⵏ.

ⵜⴰⵏⵎⵎⵉⵔⵜ ⵜⴰⵎⵇⵇⵔⴰⵏⵜ ⵖⴼ ⵜⵖⵔⵉ ⴷ ⵓⴹⴼⴼⵓⵕ.